Items · Удирдлагын академи. Түүхэн баримтууд

Үнэн сонинд гарсан мэдээ

Төрийн албаны зөвлөлийн захиалгат судалгаанд хамрагдах, судалгааны явц

Төрийн албаны зөвлөлийн "7:4:10" сургалт, мэдээллийн цагт Удирдлагын академийн судалгааны баг: М.Баянмөнх Доктор (Ph.D.), Дэд профессор Ж.Мөнхбаатар Доктор (Ph.D.), Дэд профессор М.Ариунтуяа Доктор (Ph.D.) нар оролцлоо

"Ёс зүй, хүний эрх" сургалт, хэлэлцүүлэг

“Ёс зүй, хүний эрх” сэдэвт богино хугацааны зорилтот сургалт, хэлэлцүүлэг боллоо.

Эртэч хүн өглөөний ажил хэрэгч уулзалт

Зочин илтгэгчээр Доктор, профессор Д. Ганбаатар оролцож, “Шинэчлэл, өөрчлөлтийг өөрөөсөө эхлүүлэх нь” сэдвээр сонирхолтой илтгэл танилцууллаа.

"Монгол Улсын эрчим хүчний үнэ тарифын асуудал” сэдвээр академи подкаст

Удирдлагын академи 2025 онд “Цахилгаан эрчим хүчний үнийн шийдвэрт оролцогч талуудын эрх мэдэл, нөлөөллийн шинжилгээ” сэдэвт захиалгат судалгааг хэрэгжүүлж байгаа юм. Подкастын энэ дугаарт уг судалгааны явцын үр дүнд тулгуурлан манай улсын эрчим хүчний салбарын өнөөгийн байдлыг танилцуулж, эрчим хүчний үнэ тарифыг хэрхэн тогтоодог, үнэ тарифт улс төрийн нөлөөлөл бий эсэх, цаашид эрчим хүчний зах зээл, үнэ тарифт гарах өөрчлөлт, хандлагын талаар хөндсөнөөс гадна Эрчим хүчний зохицуулах хорооны үүрэг ба тус хорооны хараат бус байдал, зохицуулалт, хэрэглэгчийн эрчим хүчний талаарх мэдлэгийг дээшлүүлэх, тэдний оролцоог дэмжихийн ач холбогдлын талаар тайлбарлан таниулах болно. Подкастыг тус судалгааг ахлан удирдаж буй доктор, профессор Б. Баясгалан хөтөлж, хамтран ярилцагчаар Монгол Улсын Эрчим хүчний зохицуулах хорооны дарга Э.Түвшинчулуун оролцож байна. Тухлан сонирхоно уу.

Тушаал

Сургуулийн Ректорын тушаал

Удирдлагын академи хичээлийн жилийн нээлт

2017-2018 оны хичээлийн шинэ жилийн нээлтийн үйл ажиллагаа "Математикч философия Жалбын Цэдэнжав" номын нээлт боллоо

Нээлттэй лекц

Удирдлагын академиас зохион байгуулдаг уламжлалт “Нээлттэй лекц”-ийн энэ удаагийн зочин илтгэгчээр Монголын Бурханы Шашинтны Төв - Гандантэгчэнлин хийдийн Тэргүүн их хамба лам, 30-р хамба номун хан, гэвш лхаарамба Д.Жавзандорж уригдаж “Буддизм ба монгол хүний ёс суртахуун” сэдвээр илтгэл танилцууллаа. Нээлттэй лекц 5-р сарын 12-ны өдөр Удирдлагын академийн Төрийн албан хаагчдын сургалт, зөвлөгөөний төвийн Их танхимд болж нийт 150 гаруй оролцогч оролцсон юм. Тэргүүн их хамба лам Д.Жавзандорж өөрийн лекцдээ Өндөр гэгээн Занабазарын үеэс буюу 1600 оны сүүл үеэс бурхны шашин Монголын гэсэн хэв загвар, өнгө төрхөө илүүтэй олж, монголчуудын оюун санаа, итгэл үнэмшил, ёс суртахуунд эерэг нөлөө, ул мөрөө үлдээн дэлгэрснийг тэмдэглэсэн. Түүнчлэн Бурханы шашны онол, сургаалын онцлогийг тайлбарлаж, уламжлалт шашинд суурилсан ёс суртахууныг төлөвшүүлэхийн ач холбогдлыг номолж олон нийтийн тусын тулд ажил хэрэг эрхэлдэг төрийн албан хаагчид хүнлэг, энэрэнгүй байхын чухлыг онцоллоо. Нээлттэй лекцэд төрийн албан хаагчид, иргэд олон нийт болон Удирдлагын академийн багш нар, докторант, магистрантууд оролцож Тэргүүн их хамба лам Д.Жавзандоржоос буддизмд суурилсан ёс суртахууны ойлголт, орчин цагийн шинжлэх ухаан болон буддизмын харилцан уялдаа, Монголын Бурханы Шашинтны Төв - Гандантэгчэнлин хийдийн үйл ажиллагааны талаар асууж, харилцан сонирхолтой яриа өрнүүлж, талархал илэрхийллээ. Нээлттэй лекцийн төгсгөлд хүндэт зочинд Удирдлагын академийн эрдэмтэн багш нарын судалгаа, эрдэм шинжилгээний ажлын дээжээс дурсгалаа.

Номын тухай яриа №5 оролцогч доктор Л.Ариунаа

Номын тухай яриа, номыг зохиогчоос нь сэдвийн хүрээнд зохион байгуулсан агуулга, яриа

Нээлттэй лекц

Нээлттэй лекцийн зочноор Холбооны Бүгд Найрамдах Герман Улсаас Монгол Улсад суугаа Элчин сайд Хэльмут Кулитц уригдаж "Герман-Монгол Улсын хооронд дипломат харилцаа тогтоосны 50 жил: ӨНГӨРСӨН ҮЕ БА ХЭТИЙН ТӨЛӨВ” сэдвээр лекц уншив

Удирдлагын академийн 80 жилийн ойн уулзалт

2009 онд удирдлагын академийн захиргааны ажилтнууд төрийн жинхэнэ албан хаагчид тангараг өргөв.

Эртэч хүн өглөөний уулзалтын зочин Удирдлагын академийн ахлах багш Ё.Батсүх оролцож "Шалгуур үзүүлэлтийн эффект" сэдвээр илтгэл тавьж, сонирхолтой яриа өрнүүллээ.

Уншъя- Урагшилъя номын өдөрлөг

Эртэч хүн өглөөний уулзалтын зочин Удирдлагын академийн ахлах багш Ц.Өнөржаргал оролцож "Сонирхолтой менежмент" сэдвээр илтгэл тавьж, сонирхолтой яриа өрнүүллээ.

“Өрхийн эдийн засагт өндөр насны тэтгэврийн үзүүлж буй нөлөө” сэдэвт захиалгат судалгааны үр дүнгийн хэлэлцүүлэг

"Улсын хил орчмын аймаг, сумын нийгэм, эдийн засгийн өнөөгийн байдал, хил хамгаалалтад иргэдийн оролцоо" сэдэвт судалгааны үр дүнгийн хэлэлцүүлэг

ЗГ-ын ХЭГ-ын харьяа Удирдлагын академи, ХХЕГ-тай хамтран хэрэгжүүлж байгаа "Улсын хил орчмын аймаг, сумын нийгэм, эдийн засгийн өнөөгийн байдал, хил хамгаалалтад иргэдийн оролцоо" сэдэвт судалгааны үр дүнгийн хэлэлцүүлэг 10-р сарын 31-нд болов. Хил орчмын 70 сумын эдийн засгийн хөгжлийн ялгаа ихсэж, төрийн үйлчилгээний хүртээмж хангалтгүйгээс шилжин явах хөдөлгөөн нэмэгдэж, хүн ам буурч байгааг шинжилгээний үр дүнгээр танилцуулав. Хэлэлцүүлэгт Баян-Өлгий, Говь-Алтай, Дорноговь, Дорнод, Завхан, Сүхбаатар, Сэлэнгэ, Увс, Ховд, Хөвсгөл, Хэнтий аймгийн ЗДТГ, хил орчмын 36 сумын ЗДТГ-ын албан хаагчид, Багийн засаг дарга нар, ХХЕГ-ын харьяа Хилийн цэргийн ангиудын албан хаагчид зэрэг 93 хүн цахимаар оролцлоо. Танхимд БШУЯ, БЕГ, ЭМЯ, ГЗБГЗЗГ зэрэг төрийн байгууллагын албан хаагчид, Ухаалаг засаглал ТББ, Сумын эмч, мэргэжилтнүүдийн холбоо ТББ-ын төлөөлөл, Зүүн хойд Азийн байгаль орчин, хөдөө аж ахуйн судалгааны төвийн судлаачид оролцов. Хил орчмын аймаг, сумын тулгамдсан асуудлыг төрийн бодлогын түвшинд шийдэх, эдийн засаг, боловсрол, эрүүл мэндийн салбарууд хамтран ажиллах талаар хэлэлцүүлэгт оролцогчид санал хэлж, зөвлөлдөв.

"Төрийн захиргааны албан хаагчийн сургалтын үр дүнгийн шинжилгээ" сэдэвт захиалгат судалгааны үр дүнгийн хэлэлцүүлэг

Удирдлагын академиас 2025 онд хэрэгжүүлж буй “Төрийн захиргааны албан хаагчийн сургалтын үр дүнгийн шинжилгээ” сэдэвт захиалгат судалгааны хоёрдугаар шатны үр дүнгийн хэлэлцүүлэг 11 дүгээр сарын 03-ны өдөр хичээлийн төв байрны 215 тоот танхимд боллоо. Энэхүү судалгааг Удирдлагын академийн захирал, профессор Д.Байгалаар удирдуулсан баг гүйцэтгэж байгаа бөгөөд судалгааны ажлын хүрээнд цуглуулсан өгөгдөл мэдээллийн боловсруулалт, шинжилгээний үр дүнг нээлттэй хэлэлцүүлж оролцогчдын сонирхсон асуултад судалгааны багийн гишүүд дэлгэрэнгүй хариуллаа. Хэлэлцүүлгийг Судалгаа, эрдэм шинжилгээний албаны Захиалгат судалгааны секторын эрхлэгч, доктор М.Ариунтуяа удирдан явуулж Эрдмийн зөвлөлөөс томилогдсон гишүүд болох дэд профессор Ж.Нарантуяа, дэд профессор Ч.Эрдэнэчимэг нар санал зөвлөмжөө танилцууллаа. Хэлэлцүүлэгт ЗГХЭГ, ҮАГ, НБГ, Архангай, Говьсүмбэр, Дархан, Дорноговь, Дорнод, Дундговь, Завхан, Сүхбаатар аймгийн төрийн захиргааны байгууллагын албан хаагчдын төлөөлөл цахимаар, ГБХНХЯ, ХХҮЕГ, Засгийн газрын Хяналт хэрэгжүүлэх газрын албан хаагчдын төлөөлөл болон Академийн багш, ажилтнууд танхимаар оролцсон өргөн хүрээний хэлэлцүүлэг боллоо. Судалгааны баг хэлэлцүүлгээс гарсан санал, зөвлөмжийг тайландаа тусган сайжруулж, дараагийн шатанд Удирдлагын академийн Эрдмийн зөвлөлөөр хэлэлцүүлэн тайланг хэвлэж нийтийн хүртээл болгох юм.

Удирдлагын Академийн Төрийн тэнхимийн үе үеийн багш ажилтнууд

Орчин цагийн төрийн албаны сургалтын тогтолцоо үүсэж хөгжсөний 100 жил Төрийн удирдлагын тэнхимийн үе үеийн хамт олон

Удирдлагын академийн 2025 оны хичээлийн нээлтээс

2025 оны хичээлийн нээлтийн үеэр

Монгол улсад төрийн захиргааны тэнхим үүсч байгуулагдсаны 30 жилийн ойд зориулсан хүндэтгэлийн хүлээн авалт

Төрийн захиргааны тэнхимд ажиллаж байсан үе үеийн багш ажилтнууд

Олон нийттэй харилцах ажлын төлөвлөлт ба олон нийтийн санаа бодлыг судлах онцлог

Удирдлагын академийн Улсын салбарын удирдлагын тэнхимийн багш доктор, дэд профессор Э.Ариунаа

“Нутгийн захиргааны байгууллагын бүтэц, зохион байгуулалтын шинжилгээ” сэдэвт суурь судалгааны үр дүнгийн хэлэлцүүлэг

Суурь судалгааны үр дүнгийн хэлэлцүүлэг боллоо Удирдлагын академиас эрхлэн гүйцэтгэж байгаа “Нутгийн захиргааны байгууллагын бүтэц, зохион байгуулалтын шинжилгээ” сэдэвт судалгааны үр дүнгийн хэлэлцүүлгийг 2025 оны 10 дугаар сарын 29-ний өдөр зохион байгууллаа. Судалгааны багийн ахлагч, доктор, проф. Я.Бямбаяр судалгааны явц, үр дүнгийн талаар танилцуулав. Оролцогчид судалгааны агуулга, дүгнэлтийн талаар болон төв, орон нутгийн харилцаа, чиг үүргийн хуваарь, хууль тогтоомжийн өөрчлөлт зэрэг өргөн хүрээтэй олон асуудлаар сонирхсон асуултдаа хариулт авч, санаа бодлоо илэрхийллээ. Хэлэлцүүлэгт төрийн захиргааны төв болон нутгийн захиргаа, нутгийн өөрөө удирдах байгууллагын албан хаагчид, Удирдлагын академийн багш, судлаачид, докторантууд, сонирхсон бусад хүмүүс танхимаар болон цахимаар оролцов. Оролцогчид энэхүү судалгааг практикийн чухал ач холбогдолтой болохыг тэмдэглээд цаашид судалгааны үр дүнг төр, засгийн шийдвэрт тусгах талаар шийдвэр гаргагчид, судлаачид аль аль нь анхаарч байх шаардлагатайг хэлж байлаа. Судлаачид судалгааны үр дүнг эцэслэн нэгтгээд Удирдлагын академийн Эрдмийн зөвлөлөөр хэлэлцүүлэх бөгөөд энэ ондоо багтаан хэвлүүлж нийтийн хүртээл болгох юм.

Удирдлагын академийн төрийн удирдлагын магистрын өдрийн сургалтын тэтгэлэгт хөтөлбөр

Удирдлагын академийн төрийн удирдлагын магстрын өдрийн сургалтад тэтгэлэгтэй суралцуулах тухай танилцуулга

Нийгмийн удирдлагын тэнхимийн мэндчилгээ

Удирдлагын академийн нэгж тэнхим бүрт зориулсан бичсэн шүлэг

Удирдлагын академийн “Төрийн захиргаа”, “Төрийн удирдлага”-ын магистрын хөтөлбөрийг магадлан итгэмжлэх олон улсын шинжээчдийн баг ажиллалаа

Удирдлагын академийн “Төрийн захиргаа”, “Төрийн удирдлага”-ын магистрын хөтөлбөрийг магадлан итгэмжлэх олон улсын шинжээчдийн баг ажилласан тухай Цагийн хүрд мэдээллийн хөтөлбөрөөр, Үндэсний телевиз