Сургалт арга зүйн семинарын боллоо Удирдлагын академид сургалт, судалгаа, зөвлөх үйлчилгээний хөгжлийн чиг хандлагыг хэлэлцлээ
- Нэр
-
Сургалт арга зүйн семинарын боллоо
Удирдлагын академид сургалт, судалгаа, зөвлөх үйлчилгээний хөгжлийн чиг хандлагыг хэлэлцлээ
- Өөр гарчиг
-
Удирдлагын академийн сургалт, судалгаа, зөвлөх үйлчилгээний хөгжил, чанар, үр нөлөөг нэмэгдүүлэхэд чиглэсэн шинэ боломж, сорилт, шийдлийг хэлэлцэж, цаашдын хөгжлийн чиглэлийн талаар санал солилцох зорилготой семинар 2026 оны 6 дугаар сарын 12-ны өдөр Академийн “Б” байрны Төрийн албан хаагчдын сургалт, зөвлөгөөний төвийн хурлын танхимд зохион байгуулагдлаа.
Семинарт Удирдлагын академийн нийт багш, ажилтнууд оролцож, байгууллагын өнөөгийн үйл ажиллагаа, сургалт, судалгаа, зөвлөх үйлчилгээний хөгжлийн чиг хандлага, дижитал шилжилт, хиймэл оюуны хэрэглээ, оюуны өмчийн асуудал, мэдээллийн аюулгүй байдал зэрэг цаг үеийн тулгамдсан асуудлуудыг хэлэлцэв.
- Төрөл
- Баримт, зураг
- Товч тайлбар
-
Үйл ажиллагааг Сургалтын бодлого, зохицуулалтын газрын дарга Ц.Энхмандах нээж, семинарын зорилго, хөтөлбөрийг танилцууллаа. Семинарын үеэр Удирдлагын академийн захирал Д.Байгал байгууллагын үйл ажиллагааны өнөөгийн байдал, цаашдын хөгжлийн зорилтын талаар мэдээлэл өгсөн юм.
Хэлэлцүүлгийн хүрээнд Төрийн захиргааны тэнхимээс “Удирдлагын академид хиймэл оюуныг нэвтрүүлэх боломж, сорилт”, Бодлого, улс төр судлалын тэнхимээс “Оюуны өмчийн зохистой хэрэглээний онцлог”, Эрх зүйн тэнхимээс “Цахим контентын оюуны өмч: Шүүхийн хэрэглээ” сэдвээр илтгэл танилцууллаа.
Мөн Улсын салбарын удирдлагын тэнхимээс сургалтын арга зүйг сайжруулах чиглэлээр, Эдийн засаг, санхүүгийн удирдлагын тэнхимээс байгууллагын хэрэгцээнд суурилсан захиалгат сургалтын чанар, хүртээмж, үр дүнгийн асуудлаар, Хүний нөөцийн удирдлагын тэнхимээс зөвлөх үйлчилгээний онцлог, хөгжүүлэх боломжийн талаар тус тус мэдээлэл хүргэв.
Үдээс хойших хуралдаанаар Мэдээллийн технологийн албанаас Академийн мэдээллийн нэгдсэн систем, сүлжээний аюулгүй байдлын талаар танилцуулж, Номын сангаас Академийн цахим сан хөмрөгийн бүрдүүлэлт, ашиглалтын өнөөгийн байдлыг танилцууллаа.
Семинарын төгсгөлд оролцогчид санал бодлоо солилцож, сургалт, судалгаа, зөвлөх үйлчилгээний чанар, үр нөлөөг нэмэгдүүлэх, дижитал технологийн хэрэглээг өргөжүүлэх, байгууллагын хамтын ажиллагааг сайжруулах чиглэлээр санал, зөвлөмжүүдийг хэлэлцэв.
Арга хэмжээг Удирдлагын академийн захирал Д.Байгал дүгнэж, цаашдын үйл ажиллагаанд шинэ санал, санаачилгыг тусган ажиллахын чухлыг онцлон тэмдэглэлээ.
- Агуулга
- Хурал зөвлөгөөн, уулзалт
- Ажилтан, албан хаагчид
Export
